Lamuza-Arraño Naturgunea

Fuente del Arco (Badajoz) herriko kale baten argazkiarekin hasiera ematen diogu  urteroko balorazioari gure ekimenaren muina ezin hobeto islatzen   duelako. Orkidea basatiak  natura ondare eta baliabidetzat hartzen dituzten lurralde horietan herriko kaleak bertako espezien irudiekin apaintzea miresgarria iruditzen zaigulako.  Azken finean Laudiokoloreak-ek gauza bera bilatzen duelako. Aurtengoa urte emankorra izan delakoan gaude, Arrañoko orkideen ezagupen eta zaintzari begira urrats garrantzitsuak ematen jarraitzen dugulako. Aletu ditzagun bada, urteak emandakoak.   ARRAÑOKO ORKIDEEN KONTSERBAZIORAKO PROGRAMA Taldearen funtzionamendua finkatzen doa,  aurten aurrera eramandako ekimen ezberdinak horren isla argia direlarik. Besteak beste, honako ekimenak gauzatu dira: Aurrekontu kolaboratiboen bidez,  dirulaguntza eskaera  egin genuen eta onartua izan zen. Urrats inportantea da, baliabide ekonomikoak bermatzeaz haratago, aurretik udal gobernua...

     Arrañoko basa orkideen  inguruko jardunaldien bigarren parteari bide emango dio argazki erakusketak. Gasteizko orkideen programako bolondresek egindako argazkiekin osatuta dago bilduma,  Arabako hiriburuko inguruetan  miretsi daitezkeen orkidea basati espezie guztiak  agertuz . Herritar arruntek zientziari egiten dioten ekarpenari esker, bertan hazten diren landare familia bitxi honen ezagupena zabaldu da modu nabarmenean, ekimen hau horren erakusle.  Gasteizko udalerrian identifikatutako 50 orkidea espezie baino gehiagoren argazkiak  kultura etxean egongo dira ikusgai , zeintzuen artean  Arraño mendian  behatu ditzakegun gehienak egongo direlarik.  Inagurazio egunean (urriak 15)  18.00etan, udazkenean hazten den orkidea espeziea  ( Spiranthes spiralis ) behatzeko txango gidatu laburra egingo dugu.  Spiranthes spiralis Spiranthes spiralis Spiranthes spiralis

Askari-lorea (Merendera montana)   Kasualitateak nahi izan du liburu eder bat  nire eskuetara heltzea. Liburutegiko nobedadeen apala arakatzen ari nintzela, izenburu iradokitzaileak berehala erakarri zuen nire arreta eta minutugarrenera etxerako bidean nintzen deskubritu berri nuen altxor txiki hari lehengo aginkada emateko irrikaz. Altxortzat hartu izan  bait dut botanika, fitoterapia, etnobonatika, literatura eta akuarela irudi paregabeak maisuki barnebiltzen dituen liburua. "En el camino de las plantas" Rosa Barasoain naparrak idatzitakoa da , Leticia Ruifernández-en ilustrazioen laguntzarekin eta La Fertilidad de la Tierra argitaletxearen (Rosak berak sortua) eskutik.   Egitura tipikoa du, atalka, kapituluka.  Lau orrialdez osatutako atal bakoitzak landare espezie bat jorratzen du eta ezaugarri zehatzak baino, sentsazioak islatzen dituzten akuarela  irudi zoragarriek laguntzen dute testua. Landare gehienak  ezagunak izanagatik  ere, wikipediar...

HEMEN DESKARGATU  

DESKARGATU KARTELA

Gure larre kutunez disfrutatzeko akaso garairik ederrenera sartzera goazela, une egokia izan daiteke azkeneko berritasunak batzen dituen Arrañoko orkidea espezie fitxa-gida partekatzeko, paseo horiek are oparoagoak izan daitezela. Horra beraz, fitxa deskargatzeko aukera ematen duen  lotura.  Gozatuko duzuelakoan...  Hemen deskargatu:  2024ko Arrañoko orkidea espezien fitxa-gida