Lamuza-Arraño Naturgunea

Fuente del Arco (Badajoz) herriko kale baten argazkiarekin hasiera ematen diogu  urteroko balorazioari gure ekimenaren muina ezin hobeto islatzen   duelako. Orkidea basatiak  natura ondare eta baliabidetzat hartzen dituzten lurralde horietan herriko kaleak bertako espezien irudiekin apaintzea miresgarria iruditzen zaigulako.  Azken finean Laudiokoloreak-ek gauza bera bilatzen duelako. Aurtengoa urte emankorra izan delakoan gaude, Arrañoko orkideen ezagupen eta zaintzari begira urrats garrantzitsuak ematen jarraitzen dugulako. Aletu ditzagun bada, urteak emandakoak.   ARRAÑOKO ORKIDEEN KONTSERBAZIORAKO PROGRAMA Taldearen funtzionamendua finkatzen doa,  aurten aurrera eramandako ekimen ezberdinak horren isla argia direlarik. Besteak beste, honako ekimenak gauzatu dira: Aurrekontu kolaboratiboen bidez,  dirulaguntza eskaera  egin genuen eta onartua izan zen. Urrats inportantea da, baliabide ekonomikoak bermatzeaz haratago, aurretik udal gobernua...

Spiranthes spiralis Udazkeneko orkidea Gazteleraz/En castellano Udazkeneko orkideen  (Spirantes spiralis)  azken aleena egiten ari den     honetan, une egokia izan daiteke 2021. urteko denboraldiak eman duenari errepasoa egiteko, izan ere, nahiko urte emankorra izan baita   Arraño zein Laudio osoko   orkideen espezie eta populazioen jarraipenari dagokionean.   Gure txoko kutunetik abiatuko gara. ARRAÑO Orchis champagneuxii: Martxo aldean  atzeman    genuen gurean  orkidea espezie berria dena. Orchis champagneuxii                   Ophrys tenthredinifera ficalhoana . Orkideen mundua korapilatsua da oso. Sartzen zaren neurrian,   gero ta gutxiago ulertzen duzulako sensazioa duzu sarritan. Behin espezie bat identifikatzeko lana gaindituta (neofitoarentzat sekulako ahalegina izan daitekeena),  azpiespezieak, aldaerak eta hibridoak agertu eta desesperazioak goia joko du:...

Orchis italica alea Arrañon, 2021eko Maiatzean. Abereek jan aurreko argazkia Gazteleraz / En castellano   Denbora generaman kontuarekin bueltaka, kezkatuta, Arrañon hazten ziren orkidearik babesgabeenak   babestu   nahiean, egun batetik bestera janda agertu ala  arrastorik gabe desagertzea ekidite aldera. Erreferentziarik ez genuen eta ausardia apur batek bultzatuta, lanari ekin genion. Burdinezko barillak, untxientzako sarea   eta   landarearen ezaugarrien eta hauskortasunaren berri ematen zuen karteltxoa prestatu genituen. Eta  hortxe paratuta geratu ziren,   Arrañon erruz dabiltzan aziendeen eta jendearen jokaeraren beldurrez, baina helburua neurri handi baten lortu   izanaren sentzazio atseginarekin: loreen edertasuna gozatzeko aukera eman,    herriko   natura ondarearen inguruan senstzibilizazioa zabaldu   eta are inportanteagoa dena, landare hauen populazioa egonkortzeko eta sendotzeko saioa… Itxidurak ezarri eta gut...

                   Gazteleraz / En castellano  Badira hiru urte herriko txoko eder honen natura aberastasuna balioan ipintzeko ekimen ezberdinak martxan ipini genituela.  Zalantza barik,  Arrañoko aberastasun horren ikur nagusienetakoa  orkideak dira, izan ere,  udaberriero  lore familia eder  honen hogei ezpezie inguru hazten bait dira  bertako larreetan ,  berezi-bereziak horietako batzuk. Blog honetan sarritan   izan dugu hizpide orkideak eta   espezie batzuen inguruan aritu izan gara, beti ere loreon kalteberatasuna   agerian utziz. Zaugarritasun hori are agerikogoa suertatzen da arriskuan dauden espezieak direnean. Gurean, bi espezie dira (zein baino ederragoak) mehatxatutako landareen zerrenda gorrian daudenak:   bata, Orchis italica, espezie kaltebera bezala katalogatuta; Himantoglossum hircinum  bestea , ”espezie bakanak” atalean agertzen dena.   https:/...

Duela urtebete Lamuza-Arrañoko basa landaretza arakatzeari ekin genionetik, ustekabe ugari eman dizkigu naturgune honek, aurreikusitako aniztasuna handiago eta zabalago izan baita. Orain  arteko     ustekaberik nabarmenetakoa , zalantza barik, maiatzaren 9k eman zigun , Aceras anthropophorum (orkidea espezie arrunta ingurotan) ugariz apaindurtako ezponda batean,   larrosa-ubel kolore biziko loreari erreparatu genionean.   Sinesgaitza hasieran, b eharrezko kontrasteak ondoren (Iñako Villamor lagunarena aipatzeko modukoa   da) eta baieztapena azkenean:   Orchis italica , mediterraneo aldeko orkidea espezie ez oso ohikoa da eta Euskal Herriko mediterranear klimaren eraginpeko eremuan, espezie bakanatzat hartua.   Beraz, ingurune atlantikoan are bitxiagoa da espezie hau topatzea. En un paseo primaveral por el monte Arraño (2018.05.9) localizamos un ejemplar de Orchis italica , una orquídea considerada rara en su hábitat habitua...