ORKIDEA BASATIAK TURISMO JASANGARRIRAKO BALIABIDE: ZENBAIT ESPERIENTZIA ESPAINIAR ESTATUAN
ORKIDEA BASATIAK TURISMO JASANGARRIRAKO BALIABIDE
-ZENBAIT ESPERIENTZIA ESPAINIAR ESTATUAN-
EXTREMADURA
Extremadura osoan kultura handia dago orkidea autoktonoak baliabide turistiko jasangarri bezala aurkezteari begira. Udaberria hasten denean, orkideen denboraldiaren hasiera iragartzen da hedabideetan eta hainbat herritan orkideen ezagupenaren eta zaintzaren inguruko jardueren berri ematen da. Junta de Extremadurak sustatzen du Orkidearen Eguna (iaz 23. edizioa !!), urtero herri ezberdin batean ospatzen dena, jardun anitzak antolatuta. Horra adibide batzuk.
ALANGE (BA)
 |
Biodertsitatea orokorrean eta orkidea basatiak modu berezian balorean ipintzeko apostua nabarmentzekoa da Alange herriak egiten duena. “Alange destino de orquídeas” ekimenaren barruan, urtero “el mes de las orquídeas” antolatzen dute, jardun ezberdinak batuz. Udalerriaren orrialdean sartu besterik ez da egin behar horretaz konturatzeko. Azalpen orokorrekin batera, bertan hasten diren orkideen fitxa bilduma dute eskuragarri . Beste aldetik, orkideak udalerrian behatzeko 4 ibilibide aurkezten dituzte, horietako 2 balizatuta daudelarik. Alange eta La Zarza udalerrietan Serapias perez-chiscanoi espeziaren munduko 2. populaziorik handiena omen dago.
https://visitaalange.es/en/what-to-see-what-to-do/rutas/ruta-de-orquideas
 |
| Sierra Utrera,Alange-La Zarza udalerriak (Badajoz) |
 |
| Alangeko panel informatiboa herriko kalean |
ZAFRA - LOS SANTOS DE MAIMONA (BA)
Zafrako eskualdean Santos de Maimona udalerria nabarmentzen da orkidea basatiak balioan ipintzeko orduan eta urtero jardunaldiak antolatzen dituzte ekimen ezberdinekin: hitzaldiak, eskola tailerrak, argazki tailer eta leihaketak, erakusketak,…
FUENTE DEL ARCO –BA-
Udalerri txiki honetan jardunaldiak antolatzen dituzte urtero. 2025ean XI. edizioa burutzen zelarik, Extremadurako orkidearen eguna bertan ospatu dute. Beste aldetik, azulejoetan egindako bertako orkideen irudiek herriko kaleak apaintzen dituzte, lore hauek bertokoentzat duten balioaren seinale.
https://fuentedelarco.org/xi-jornadas-orquilarquenas-orquideas-en-fuente-del-arco/
 |
| Fuente del Arco |
ALMARAZ-CC
Extremadurako orkidea endemikoetako bat udalerri honetan hazten dela eta, (Ophrys apiphera var almaraciensis) lanketa berezia egiten diote gaiari. Orkidea basatiaren interpretazio zentroa (Orchydarium) dago bertan eta ekimen ezberdinak bideratzen dituzte: museoa, ingurugiro ekintzak, ibilibide gidatuak, argazki leihaketak... Bertako orkideen inguruko liburuxka xumea baina txukuna argitaratu dute.
://www.ayto-almaraz.com/index.php/vivir-almaraz/medio-ambiente/97-orchydarium?jjj=1770295043029
ARAGOI
ALBARRACIN-TE
Teruelgo eskualderik turistikoenetako batean orkidea basatiek aparteko lekua dute eskeintza turistikoan. Urtero jardunaldiak eta ibilbide gidatuak antolatzen dituzte besteak beste.
“Turismo Sierra de Albarracin” web orrialdean, orkideen inguruko atala dute, informazio zenbait emanik. https://albarracinturismo.com/orquideas-silvestres
BIESCAS-HU
Pirineotako herri famatu honetan, urtetan zehar jardunaldiak antolatu dituzte. 2019. Urtean azkenekoak izan arren, bere esperientzia interesgarria da.
ANDALUZIA
ARCHIDONA-MA
Herri honetan ere bertako orkidea espezieak balioan ipintzen ahaleginak egin eta turismo naturalerako ikur bezala dituzte. Archidona turismo web orrian bere atala dute , informazio orokorra emateaz gain, herriko espeziak batzen dituen txostena dute ikusgai, pdf formatuan.
https://archidonaturismo.com/conoce-archidona/medio-ambiente/flora/orquideas/
Horrez gain, jardunaldiak antolatzen dituzte urtero.
Azkenik, azpimarkatzekoa da Malagako lurralde mailako “Conociendo las orquídeas de la Gran Senda de Málaga y provincia” argitalpena orkidea basatiak eta txangozaletasuna uztartzen dituena.
Hona liburu aren pdf-a: Conociendo las orquídeas de la Gran Senda de Málaga y provincia
GALIZA
Ourenseko Serra da Enciña da Lastra parke naturalean orkidea basatiek aparteko lekua izaten dute bertako ondare naturala azpimarratzean. Orkidea espeziak behatzeko ibilibidea eskeitzen dute parke naturala bisitatzeko aurkerarik ederrenetako bat bezala. Hona hemen, ibilibidearen informazioa batzen duen eskuorria.
Iruzkinak
Argitaratu iruzkina